**السلام عليكم ورحمة الله** من لايشكر الناس لايشكر الله اشكر كل من كتب في هالقروب وساعدنا الله يكتب أجركم طبعاً انتهت رحلتنا الأكثر من خيال الحمدلله والفضل لله ثم لكم ماقصرتوا في سرد أدق التفاصيل طبعاً رحلتنا كانت لمدة ١١ ليلة حجزنا لكل المنتجعات هاف بورد ٣ ليالِ في لوكس بيل مار ( الشرق ) .. اتعب وانا اقول انه منتجع كامل الأوصاف ماشاء الله ، هو نظافة هو خدمة هو أكل هو فخامه كل زاوية تقول صوريني 😂 ، كل الستاف بشوشين وخدومين اقيمة 100/10 ٣ليالِ في هيرتدج لو تلفير ( الجنوب ) .. صراحة في التصوير فخم بشكل ويوسع الصدر لكن الواقع كان مختلف شوي .. خدمة بطيئة اكل مو ذاك الزود واصناف قليلة وكل الزائرين في المنتجع كبار سن تحس انك في دار عجزة الشي الوحيد اللي اعجبنا فيه جولة سياكل في المنتجع مع الموظفين ( هذا رأيي الشخصي ) اقيمة 5/10 ٥ ليالِ في برادايس بيتش كومبر ( جنوب غربي ) .. يغلب عليه الطابع الكلاسيكي جميل الموظفين خدومين وبشوشين أكلهم في البوفيه صح انه اصناف كثيره بس اشياء بسيطة اللي جازت لي وبرضو كله اجانب ، المساج عندهم استرخائي حلو ماينفع للي يبي طق لان العاملات بنات ويدهم خفيفه .. عندهم فعاليات شاطئ كثيره ومجانيه .. اشوف ان الشاطئ عندهم من افضل الشواطئ اللي مرت علي .. اقيمة 10/10 طبعاً استأجرنا سياره اليومية كانت ب1000 روبية والسياره جاتنا نظظظظيفه وتعامل الشخص أكثر من رائع ولو امدحه من اليوم لبكره ماوفيت 😂 وبرضو معطينا هدية شرايح اتصال وانترنت مفتوح وهو بنفسه يركبها لنا يعني مزبطنا ع الآخر هذا رقمة انصح فيه وبقوووه +230 5259 0988 هذا كان الجدول لرحلتنا للي وده بجدول جاهز .. اليوم الأول ( يوم الوصول ): الراحة والاستجمام في منتجع لوكس بيل مار . اليوم الثاني : رحلة بحرية بقارب خاص لجزيرة الغزلان *زيارة الشلال المطل على البحر G.R.S.E *زيارة جزيرة ايل او سيرف ( جزيرة الغزلان ) *لعبنا براشوت في الجزيرة *وأيضاً دونات بقارب Fun Boat ( اكثر شي تونسنا عليه ) اليوم الثالث : الجلوس في المنتجع واكتشاف الفعاليات المجانية والتمشايه ع شاطئهم الجميل ، وبرضو عندهم كافيه يسوي قهوة مقطره حليو اسمه لوكس كوفي اليوم الرابع : سوينا تشك آوت ورحنا لمنتجع هرتدج لوتلفير ( الفعاليات المائية المجانية والفعاليات المجدولة مثل الغولف و ركوب السياكل و جلسة يوغا ) اليوم الخامس : ملاهي لاڤالي اليوم السادس : لمزرعة الشاي Bois Cheri اليوم السابع : سوينا تشك اوت ورحنا لمنتجع باراديس بيتش كومر ( الفعاليات المائية المجانية والفعاليات المجدولة ) اليوم الثامن : ركوب خيل في شاطئ لي مورن اسم الشركة : Haras du morne ( الساعة ب٣٦٠ريال تقريباً ) ٥ دقايق من المنتجع . "يحتاج حجز مسبق" في البدايه قالو تبون تصوير قلنا لا لكن صورونا صور ومقاطع تاخذ العقل ماقدرنا نخليها خذيناها كلها ب٣٦٠ برضو ل٣ اشخاص اليوم التاسع : حديقة كاسيلا سفاري مفتوح يومياً من الساعة ٩ الى ٥ - (جولة بالباص على الحيوانات ، او ناخذ دبابات *برسوم* + الزحليقة الصيفية ) - رسوم الدخول تقريباً ١٢٠ ريال "يحتاج حجز مسبق" اليوم العاشر : الذهاب الى العاصمة بورت لويس *مول كودان ( سوق شعبي ) فيه المظلات شرينا منه تذكار وتلاقيط وفيه مول طحنا عليه بالصدفه جميل عندهم ملابس كتان خيااال اسمه Ruisseau Cerole اليوم الحادي عشر : كان على اساس نركب هليكوبتر لكن الحجوزات فُل فغيرنا الخطة ( شركة Corail Helicopteres ) ، سوو اخواني هايكنق على جبل لي مورن ويمدحون التجربه ، لكن انا ريحت في المنتجع وسويت مساج 🤣 اليوم الثاني عشر ( اليوم الاخير ) : سوينا تشك اوت رحنا المطار وخلصت رحلتنا الحمدلله ✨