بالنسبة للي محتار ب لافالي احلى مكان وممتع ونصيحة افتحوا الطقس قبل وخلو الروحة له بيوم مغيم احلى عشان كله العاب مفتوحة ومناظر ف حلاتها بجو حلو المكان منظم مرة ماراح تضيعون ولا تحوسون وفيه واحد يتكلم عربي موظف ف ممكن ينفعكم بالحجز والفعاليات يفتحون لكم كتالوج الالعاب وتختارون اللي تبون فيه ٣ بكجات كبيرة( بالنسبة لي مااخذتها لان اللي معي مايحب يلعب ) ف اخذت العاب منفصلة اهم واحلى فعالية الدباب مع مرشد ياخذنكم جوا الجزيرة وتمرون ع الشلال وحنا صادفنا الغزلان وتطلعون فووووق تقدرون تشوفون منظر خرافي للجزيرة مدته ساعة لشخصين واخذت كارتنق حلوو وسريع بس انتبوا قدامي صار حادث 😂 واخذت الجسر المعلق بالنسبة لي مااستمتعت فيه كان مرة مرعب بس كنت ابغا اخلص واوصل 🤣 الزيب لاين اخترت اطول واحد ١٥٠٠ متر رهيبب وطويل والمنظر يجنننن بس تراه اللي يكون منسدح يعني اخطر شوي بس يحمس واخذت زيبلاين الشلال رهيب بعد وتمشينا بالمكان حلو للتمشية خلو له ساعة كذا مع الاجواء الحلوة واكلنا بالمطعم اسمه Le Chamouzé Restaurant صراحة اكله مااعجبنا بس ماشي حاله حنا اخذنا باكج كان عبارة عن طبق رئيسي + مقبلات + حلى + مشروب