خُلاصة رحلتي الي قضيت فيها ١٠ ايام : اول يوم: خذيت باوتيل هوليداي ان قريب من المطار خذيته للراحه واحلى شي ان التوصيل مجاني من المطار للاوتيل فيه منطقه للانتظار ويجيك سواق من نفس الاوتيل ثاني يوم: انتقال مع جوله رحت لبورت لويس المنطقه ممتعه وفيها محلات للتذكار والهدايا بعدها حديقة بامبليوس تمشينا فيها والي معه عزبه لايفوت القعده فيها، بعدها اتجهنا لمنتجع لوكس جراند باي ثالث يوم: راحه بمنتجع جراند باي هذا المنتجع بالذات اعطيه عشر نجوم خدمه وموظفين بشوشين طول الوقت وفيه مرافق تخليك تجلس بالمنتجع ماتطلع منه+اني طلبت منهم بارتي بيرثداي وسوها لي من ضمن سعر الحجز رابع يوم: فعاليه المشي تحت الماء وشلال شماريل هذي الي تستاهل وتسوا التجربه الباقي خرابيط خامس يوم: راحه بمنتجع جراند باي+ تجربة الفعاليات البحريه المجانيه تبع المنتجع سادس يوم: تشيك اوت لجراند باي واتجهنا لمطل الشاي وتذوقنا انواع الشاي عندهم راعين الشاهي مارح يعجبهم كثير بس تعتبر تجربه حلوه والبسكوت عندهم الذ شي وفيه مطعم جنبهم بيتزا الدجاج لذيذه مره ، بعدها اتجهنا لمنطقه الخيول في الجنوب كانت تجربه رائعه جداً وممتعه اقل شي كان لمدة نص ساعه بعد كذا رحنا لمنتجع سو سوفتيل سابع يوم: راحه في سو سوفتيل ثامن يوم: منتزة الوادي الملون مو شرط تاخذون الباكجات كاملة انا خذيت الي يناسبني فعاليتين الجسر النيبالي والدبابات رحلة كامله لمدة ساعه مرور على الشلال وفيه توقيفات لاكتشاف المنتزه وكل الفعاليتين تستاهل تاسع يوم: راحة في سو سوفتيل مع استخدام مرافق المنتجع عاشر يوم: العودة الى الديار *افضل شي كان فكرة الراحه في المنتجعات منها تحلل المنتجع وباقي الايام تقسمها على الفعاليات *الاوتيل والمنتجعات ماطلبوا تأمين وكلهم فيهم شطافات كلفتني الرحلة اجمالياً ٢٥ الف