اولاً سانت ريجيس ( في الجنوب الغربي ) الطف ناس ممكن تقابلهم في موريشيوس كلها صراحه تعاملهم معك ومع الاطفال يحببك بالمكاااااان جدا خدومين ويحلون اي مشكله تصير لك بأسرع وقت 🤍 بحرهم صااافي وجمييل 🥹 غرفتنا كانت مع بلكونه ع البحر الغرفه كانت نظييفه جدا وحريصين على النظافه بإستمرار هالشي حلوو فيهم اول مادخلنا الغرفه لقيناهم مجهزين حلا استقبال للاطفال رهيب ومشروب لنا 🥹🤍 طلبت من afzal toolun غرفه قدام مسبح الاطفال وعلى طول تجاوب معي ورتب لنا غرفه قريبه من المسبح والبحر ومكانها جميل تمنيت لو عرفت حسابه من اول كان حجزت عن طريقه الغرفه وكل شي بدلاً من تطبيق المسافر ( وهذا رقمه تواصلو معه على الواتس يضبطكم ولاتنسون تقولون له من طرف mr. Alghamdi اذا افدتكم 🙏🏻) من الاشياء اللي اعجبتني داخل المنتجع : البوفيه اخذنا بس الفطور وكان جميل ومتنوع ماانصحكم تاخذون هاف بورد لان العشاء يتغير عندهم كل مره دوله فممكن مايعجبكم .. الافضل تشوفون وتحجزون بنفس اليوم .. عندهم مطعم قدام البحر الباستا عندهم لذيذه مره الشيف باتو اسألو عنه تعشينا عنده كم مره 👏🏻👏🏻 الكدز كلوب صح صغير لكن متعاونين ولطيييفين مره استقبلوا اطفالي بألعاب وبرضو واحنا طالعين هدايا 👏🏻 والعابهم متنوعه انبسطو الصغار فيه.. العاب الكبار كلها مجاناً كان مكان ممتع وجمييل كل مره نودي الاطفال الكدز كلوب ونروح نلعب فيه ماتملون منه كل الالعاب موجوده حرفياً وعندهم سينما وتقدر تحجزها برايفت لك ولأهلك 👍🏻 غير كذا عندهم جدول انصحكم تصوروه عشان تعرفون الفعاليات المجانيه بالاوقات وماتفوتكم 👍🏻 ال بوت هاوس عندهم فعاليات مجانيه بأي وقت ممكن تجربها وبعضها تحجزها بنفس اليوم بدري عشان تتفادى الزحمه .. جربنا نصها وكانت ممتعه يوم الثلاثاء عندهم بازار مصغر اللي يحب الهدايا التذكاريه واسعارهم حلوه وقت الغروب جمييل جدا انصحكم ماتفوتون الجلسات اللي قدام البحر 👏🏻