**السلام عليكم،** رجعت من موريشيوس قبل يومين، وحبيت أشارككم انطباعي وتجربتي باختصار مفيد: **عدد الأيام:** أشوف أن 8 أيام كحد أقصى تكفي، بحيث تكون: • 6 أيام للفعاليات والجولات • ويومين راحة في المنتجع أنصح تختار منتجع نظيف وحلو وفيه مسبح، وتخلي اليومين هذول للاسترخاء فقط. **الفعاليات:** الفعاليات نوعًا ما غالية، لكن في أماكن تستاهل التجربة: • **ڤالي (Valley):** من أفضل الخيارات، وما يحتاج تجرب كل الفعاليات. أفضلها: (الدبابات – السيارات الصغيرة – الجسر المعلّق – الزبلاين)، وتكفي ليوم كامل. • **شامريل:** جميلة جدًا، مناظر طبيعية خلابة، شلالات وأجواء رهيبة. • **كاسلا (السفاري):** تحتاج يوم كامل، وما يلزم تجرب كل شيء. أفضلها: (جولة بالدباب – حديقة الحيوانات والطيور – المشي مع الفهد). مهم جدًا تروح بدري (من 9 إلى 9:30 صباحًا). وأرشّح كذلك تجربة **ركوب الخيل على الشاطئ**. **التنقل والسواقين:** الأفضل تتعامل مع شركة تنسق لك سائق خاص، لأن أغلب الفعاليات تبعد ساعة أو أكثر. **الفنادق:** اختيار الفندق يعتمد على ميزانية كل شخص. **الأكل:** قد تتعب شوي في الأكل، خصوصًا للي يبحث عن خيارات متنوعة، أغلب أكلي كان مأكولات بحرية. **التذكارات والتسوق:** لا تشتري تذكارات من العاصمة لأنها غالية، الأفضل تروح للأسواق الشعبية، أرخص بكثير ونفس البضائع. **الأجواء واللبس:** الجو جميل لكن فيه حرارة مع رطوبة خفيفة، أنصح تاخذ: • مظلة شمس • مظلة مطر واللبس يكون خفيف (مثل الشورت)