السياح الغير متقنين لقيادة (درقسون يمين) ما انصحهم باستئجار سيارة لأسباب منها ١. القيادة جهة اليمين والطرق نظامها كامل معكوس من ناحية الدورات والمسارات والإشارات لاقدر الله غلط بسيط ممكن ينكد عليك الرحلة ٢. التصوير جزء من متعة الرحلة بتنحرم منها إذا كنت تسوق ٣. مافيه مبلغ كبير بتوفره إذا استأجرت وسقت بنفسك ٤. السائق من نفس البلد يعرف طرق مختصرة واماكن قد ما تكون مضمنها في برنامجك فيوصيك بزيارتها اذا كانت على طريقك ٥. السائق ينزلك عند باب الفعالية ويروح يدور موقف ، بينما انت بتضطر توقف بعيد وتجي تمشي (ممكن تكون وقت امطار او أجواء مشمسة) ٦. السيارة الأجار تضطر تدفع يوميتها حتى لو ماطلعت جميع الايام ، بينما السائق تتفق معه على الأيام اللي تطلع فيها للفعاليات بس وأولا وأخيرا انا أشور باللي يناسبني قد يكون لا يناسب غيري